ცხადდება რეგისტრაცია სამოყვარულო საფეხბურთო კლუბებისათვის, თბილისის ლიგა 3-ის 2025 წლის სეზონში მონაწილეობის მისაღებად! 

პროცესი გაგრძელდება 11 მარტის ჩათვლით. რეგისტრაციისათვის, გუნდები ვალდებულნი არიან წარმოადგინონ: 

გუნდის არანაკლებ 20 (ოცი) და არაუმეტეს 30 (ოცდაათი) ფეხბურთელით (მინიმუმ ორი მეკარე) დაკომპლექტებული განაცხადი ელექტრონული ფორმით, რომელშიც მითითებული უნდა იყოს ყველა ფეხბურთელის სათამაშო ნომერი. განაცხადის ფორმა გუნდს მიეწოდება საქართველოს სამოყვარულო ფეხბურთის ასოციაციის მიერ, ელექტრონული ფორმით, მოთხოვნის შესაბამისად. 

თითოეულ გუნდს, ხსენებული 30 (ოცდაათი) მოთამაშის გარდა, უფლება აქვს განაცხადში დაარეგისტრიროს ან შემდგომ, ტურნირის მიმდინარეობისას, დაიმატოს, მაქსიმუმ 10 (ათი) მოთამაშე. აღნიშნული სახით პირველადი რეგისტრაციის საჭირო პირობები მითითებული იქნება განაცხადის ფორმაში. 

გუნდის იურიდიულ პირად რეგისტრაციის დამადასტურებელი დოკუმენტი - ამონაწერი საჯარო რეესტრიდან. სურვილის შემთხვევაში, რეგისტრაციისათვის, გუნდს ასოციაცია გადასცემს წესდების სარეგისტრაციო შაბლონს. თუ გუნდი პირველად არ იღებს მონაწილეობას ჩვენს ლიგაში, საკმარისია მისი საიდენტიფიკაციო კოდი;

მოთამაშეთა პირადობის დამადასტურებელი მოწმობების ასლები; 

მოთამაშეთა ფოტოსურათები მოყვარული ფეხბურთელების ბარათებზე განსათავსებლად, ელექტრონულად, ელ. ფოსტაზე info@gafa.ge, png ან jpeg ფორმატში, გადაღებული თეთრ ფონზე;