ცხადდება რეგისტრაცია სამოყვარულო საფეხბურთო კლუბებისათვის, თბილისის სუპერლიგისა და თბილისის სუპერლიგა 2-ის 2025 წლის სეზონში მონაწილეობის მისაღებად! 

პროცესი გაგრძელდება 11 მარტის ჩათვლით. რეგისტრაციისათვის, გუნდები ვალდებულნი არიან წარმოადგინონ: 

გუნდის არანაკლებ 20 (ოცი) და არაუმეტეს 30 (ოცდაათი) ფეხბურთელით (მინიმუმ ორი მეკარე) დაკომპლექტებული განაცხადი ელექტრონული ფორმით, რომელშიც მითითებული უნდა იყოს ყველა ფეხბურთელის სათამაშო ნომერი. განაცხადის ფორმა გუნდს მიეწოდება საქართველოს სამოყვარულო ფეხბურთის ასოციაციის მიერ, ელექტრონული ფორმით, მოთხოვნის შესაბამისად. 

თითოეულ გუნდს, ხსენებული 30 (ოცდაათი) მოთამაშის გარდა, უფლება აქვს განაცხადში დაარეგისტრიროს ან შემდგომ, ტურნირის მიმდინარეობისას, დაიმატოს, მაქსიმუმ 10 (ათი) მოთამაშე. აღნიშნული სახით პირველადი რეგისტრაციის საჭირო პირობები მითითებული იქნება განაცხადის ფორმაში. 

გუნდის იურიდიულ პირად რეგისტრაციის დამადასტურებელი დოკუმენტი - ამონაწერი საჯარო რეესტრიდან. სურვილის შემთხვევაში, რეგისტრაციისათვის, გუნდს ასოციაცია გადასცემს წესდების სარეგისტრაციო შაბლონს;

მოთამაშეთა პირადობის დამადასტურებელი მოწმობების ასლები; 

მოთამაშეთა ფოტოსურათები მოყვარული ფეხბურთელების ბარათებზე განსათავსებლად, ელექტრონულად, ელ. ფოსტაზე info@gafa.ge, png ან jpeg ფორმატში, გადაღებული თეთრ ფონზე;

მონაწილეობის გადასახადის გადახდის დამადასტურებელი დოკუმენტი (ქვითარში უნდა მიეთითოს გუნდის დასახელება და გამოიგზავნოს ელ.ფოსტაზე info@gafa.ge) 

ორი ერთმანეთისგან მკვეთრად განსხვავებული ფერის სათამაშო ფორმა, რომლის ზურგზეც განთავსებული უნდა იყოს მოთამაშის ნომერი, ხოლო მკერდზე, მარცხენა მხარეს, კლუბის ლოგო. თუ კლუბს ფორმაზე განთავსებული აქვს რომელიმე სხვა ჩემპიონატის ლოგო, ამ შემთხვევაში, აუცილებელია მას მაისურის მარჯვენა მკლავზე განთავსებული ჰქონდეს კროკობეთ მოყვარულთა ლიგის ლოგო. სხვა შემთხვევაში, ლოგოს განთავსება სასურველია. რეგისტრაციის მსურველმა კლუბებმა ფორმების ნიმუშები უნდა გამოაგზავნონ ელ. ფოსტაზე info@gafa.ge;

სამოყვარულო საფეხბურთო კლუბის ლოგო (ე.წ. ვექტორული ფაილი);

აქვე გაცნობებთ, რომ კროკობეთ მოყვარულთა ლიგის 2025 წლის სეზონში საქართველოს სამოყვარულო ფეხბურთის ასოციაცია არაერთ მნიშვნელოვან და საინტერესო სიახლეს გეგმავს, რომლის შესახებაც თითოეულ გუნდს პერიოდულად მიეწოდება ინფორმაცია;

განაცხადის ფორმისა და ასოციაციის საბანკო რეკვიზიტების მისაღებად, ასევე სხვა ნებისმიერი დაწვრილებითი ინფორმაციისათვის დაგვიკავშირდით შემდეგ ნომერზე: 

577 68 68 19. 

გისურვებთ წარმატებებს!