21 ოქტომბრიდან 27 ოქტომბრის ჩათვლით, კროკობეთ მოყვარულთა ლიგის წარმომადგენელმა სამოყვარულო საფეხბურთო გუნდმა "ბრიჯი", რომელიც სრულად დაკომპლექტებული იყო ლიგაში მოთამაშე სხვადასხვა კლუბების ფეხბურთელებისაგან, მონაწილეობა მიიღო ევროპის სამოყვარულო საფეხბურთო ჩემპიონატის UEFA Regions' Cup მეორე, ძირითად ეტაპზე. ჩვენი ჯგუფის მასპინძელი ქვეყანა იყო შვეიცარია და მასთან ერთად ბრიჯი დაუპირისპირდა ირლანდიისა და ჩრდილოეთ ირლანდიის წარმომადგენელ სამოყვარულო საფეხბურთო გუნდებს.

ეს გახლდათ მეორე შემთხვევაში, როდესაც მოყვარულთა ლიგის სეზონის საუკეთესო გუნდმა გადალახა შესარჩევი ეტაპი და მოხვდა ევროპის 32 საუკეთესო სამოყვარულო საფეხბურთო გუნდში. მიმდინარე წელს, ჩვენმა ნაკრებმა, ქუთაისში გამართულ შესარჩევ ეტაპზე დაამარცხა შვედეთისა და აზერბაიჯანის წარმომადგენელი გუნდები. 

აღსანიშნავია, რომ წლევანდელი მონაწილეობა ისტორიული იყო, ვინაიდან საქართველოს წარმომადგენელმა სამოყვარულო საფეხბურთო გუნდმა, ამ ეტაპზე, პირველი ქულა მოიპოვა. 

რეგიონთა თასი ყოველ ორ წელიწადში ერთხელ იმართება და მასში, 2018 წლიდან, სტაბილურად, მონაწილეობას იღებს მოყვარულთა ლიგის სეზონის საუკეთესო გუნდი.