STORE.GAFA.GE - ონლაინ მაღაზია

,,ბასიანი“ დრამატულად, კომპენსირებულ დროში დამარცხდა

ქართული ფეხბურთის ისტორიაში პირველად, სამოყვარულო საფეხბურთო კლუბმა საქართველოს დავით ყიფიანის სახელობის თასზე ითამაშა.

მოყვარულთა ლიგის ჩემპიონი "ბასიანი" პირველ ეტაპზე ,,ვარკეთილი 2"- ს დაუპირისპირდა და ანგარიშით 2:3 დამარცხდა. 

,,ვარკეთილი 2" კი, საქართველოს თასის მეორე ეტაპზე გადავიდა, სადაც ,,ლეგიონს" შეხვდება.

გუნდებს შორის თამაში დაძაბული და სანახაობრივი გამოდგა, შთამბეჭდავი იყო ადგილზე მოსული გულშემატკივრების ოვაციებიც. 

თავდაპირველად, ,,ბასიანი" ანგარიშით 2:0-ს იგებდა, მაგრამ 70-ე და 89-ე წუთზე 2 გოლი გაუშვა და ძირითადი დრო ფრე დასრულდა.

გადამწყვეტი აღმოჩნდა დამატებითი დრო, როდესაც ,,ვარკეთილი 2"- მა კიდევ ერთი გოლის გატანა მოახერხა და საქართველოს თასის მეორე ეტაპის საგზურიც მოიპოვა.

აქვე შეგახსენებთ, რომ წელს, ,,ბასიანი" აზერბაიჯანში გაემგზავრება, სადაც მონაწილეობას UEFA Regions Cup-ზე (ევროპის საფეხბურთო ჩემპიონატზე) მიიღებს.

სპონსორები და პარტნიოები